კონტაქტი

“იტალიის თმის აღდგენის საზოგადოების” (ISHR) XV კონგრესი. იტალია, ქ. სირაკუზა, 2014 წ

2014 წლის 26 – 29 ივნისს იტალიის ქალაქ სირაკუზაში გაიმართა თმის აღდგენითი მედიცინისადმი მიძღვნილი XV საერთაშორისო კონგრესი. კონგრსის ორგანიზატორი გახლდათ “იტალიის თმის აღდგენის საზოგადოება” ( ISHR- Italian Society of Hair Restoration). კონგრესის პრეზიდენტები გახლდნენ Franco Buttafaro და Pietro lorenzetti. კონგრესზე მოწვეულნი იყვნენ როგორც ადგილობრივი ექიმები ასევე სპეციალისტები ამერიკის, იაპონიის, კორეის, ტაილანდის, გერმანიის, თუქრთის, რუსეთის და საქართველოს ქვეყნებიდან, თმის აღდგენის სფეროში დიდი მეცნიერული და პრაქტიკული გამოცდილების მქონე სპეციალისტებმა ერთმანეთს გაუზიარეს საკუთარი მიღწევები. თმის აღდგენითი ქირურგიის საერთაშორისო საზოგადოების (ISHRS, აშშ) პრეზიდენტმა, ვინჩენცო გამბინომ თავის მოხსენებაში ვრცლად ისაუბრა საზოგადოების სამომავლო გეგმებსა და მისი მუშაობის მნიშვნელოვან როლზე თმის გადანერგვის მეთოდების ევოლუციის საკითხში. საქართველოს დელეგაციას წარმოადგენდნენ პროფესორი ალექსი მახარაშვილი, პლასტიკური ქირურგი დეა პაპასკირი და დერმატოლოგი-ტრიქოლოგი მაკა დოღოზაშვილი. მაღალი კლასის სამეცნიერო კონგრესი გარდა საინტერესო მოხსენებებისა, მოიცავდა პრაქტიკულ „ვორქშოფებს“. მათი უმეტესი ნაწილი ეხებოდა თმის აღდგენის თერაპიულ და ქირურგიულ მეთოდებს, ასევე მკურნალობის ესთეტიურ მხარეს.
საქართველოს დელეგაცია კონგრესის გახსნის დღეს. დ. პაპასკირი, ა. მახარაშვილი მ. დოღოზაშვილი.
კიდევ ერთხელ იყო ხაზგასმული ფინასტერიდისა და მინოქსიდილის ეფექტურობა ანდროგენული ალოპეციის მკურნალობასა და თმის გადანერგვის შემდგომი პერიოდის მართვაში. კონგრესის მუშობაში აქტიურმა ჩართულობამ კიდევ ერთხელ დაგვარწმუნა, რომ ჩვენ ფეხდაფეხ მივდევთ თმის აღდგენითი მედიცინის სფეროში სიახლეებს და ვნერგავთ ბოლოდროინდელ მიღწევებს საკუთარ პრაქტიკაში, პაციენტების სამკურნალოდ მივმართავთ მსოფლიოში ყველაზე თანამედროვე , ეფექტურ და უსაფრთხო მეთოდებს. ჩვენ მადლობას ვუხდით ამ საინტერესო კონგრესის ორგანიზატორს – ISHR -ს (Italian Society of hair Restoration) და მის პრეზიდენტს ფრანკო ბუტაფაროს.