ლაზერული თერაპია თანამედროვე მედიცინაში უფრო და უფრო აქტუალური ხდება. იგი ფართოდ გამოიყენება სხვადასხვა დაავადებების მკურნალობაში. ლაზერის ინფრაწითელი სხივები ბიოლოგიურ პროცესებზე ზემოქმედებით ახდენს ნივთიერებათა ცვლის სტიმულირებას და აჩქარებს ქსოვილთა რეგენერაციას. ლაზეროთერაპია აქტიურად გამოიყენება ტრიქოლოგიაში ანდროგენული თმის ცვენის სამკურნალოდ.
LLLT- (low level laser therapy) – არის დაბალი სიმძლავრის ლაზეროთერაპია, რომელიც სამედიცინო წრეებში მოიხსენება, როგორც ფოტობიომოდულაციური თერაპია. 2007
წლიდან LLLT – ლაზეროთერაპია უკვე აღიარებულია ანდროგენეტიკური თმის ცვენის სამკურნალო ეფექტურ და უსაფრთხო მეთოდად. ბოლო რამდენიმე წლის გამოცდილებამ აჩვენა, რომ აღნიშნული მეთოდი საოცრად ეფექტურია თავის თმიანი ნაწილის კანის ანთებადი დაავადებების სამკურნალოდაც.
Capillus laser – არის ერთ-ერთი ლიდერი LLLT – თერაპიის ლაზერებს შორის Capillus laser-მა დიდი ხანია მოიპოვა თმის აღდგენითი ქირურგიის საერთაშორისო
ასოციაციის (ISHRS), ასევე ამერიკის შეერთებული შტატების წამყვანი დერმატოლოგებისა და ტრიქოლოგების ნდობა.
ყოველწლიურად, Capillus LLLT– მკურნალობით კმაყოფილი პაციენტების რიცხვი სწრაფად იზრდება.
სწორედ ამიტომ, კლინიკა „დეამედი“ თავის პაციენტებს სასიამოვნო სიახლეს სთავაზობს – Capillus LLLT მკურნალობის ჩატარება ჩვენს კლინიკაში უკვე შესაძლებელია!
როგორ იწვევს ლაზერის ინფრაწითელი სხივი თმის ზრდას?
Capillus laser-ში გამოყენებულია 650 ნანომეტრი სიგრძის ლაზერის ინფრაწითელი სხივი, რომელიც აღწევს რა თმის ფოლიკულში, ხელს უწყობს თმის ზრდას.
ლაზერის შლემის ჩართვასთან ერთად, თავის კანი ნათდება ინფრაწითელი ლაზერის სხივით. ამ წუთიდან თმის ფოლიკულის პაპილარულ უჯრედებში იწყება ფოტობიომოდულაციის პროცესი. უჯრედები ბიოსტიმულაციით პასუხობენ Capillus-ის ინფრაწითელ სხივს და სწორედ ეს რეაქცია გამოიყენება ჯანსაღი თმის ზრდისთვის.
Capillus-ს ლაზერი უზრუნველყოფს ახალი და ჯანსაღი თმის ზრდას კლინიკურად დადასტურებული ტექნოლოგიის გამოყენებით.
რა ხდება მას შემდეგ, როდესაც სკალპი ინფრაწითელ სხივს შთანთქავს?
უჯრედის მიტოქონდრიაში ინფრაწითელი სხივი ასტიმულირებს ფერმენტს, რომელიც ცნობილია ციტოქრომ ოქსიდაზას სახელით. უჯრედი უფრო მეტ ენერგიას, ანუ
ადენოზინტრიფოსფატს (ATP) გამოიმუშავებს. ეს დამატებითი ენერგია საშუალებას აძლევს სხეულს დაიწყოს დაზიანებული ქსოვილების აღდგენა და სასიცოცხლო საკვები
ნივთიერებების გაგზავნა თმის ფოლიკულებში, რაც კვლავ განაახლებს შეჩერებული თმის ზრდის პროცესს.
როგორ მოქმედებს Capillus ლაზერის ინფრაწითელი სხივი სისხლძარღვებზე?
ლაზერის ინფრაწითელი სხივი იწვევს სისხლძარღვების გაფართოებას, შესაბამისად ზრდის სისხლის ნაკადს თმის ფოლიკულებში.
თმის ფოლიკულების გაუმჯობესებული სისხლმომარაგება და უჯრედის ATP-ის, ანუ ენერგიის დაჩქარებული წარმოება განაპირობებს დაწვრილებული და მინიატურიზებული
თმის ღერების ხელახალ ზრდას, ასევე რეგენერაციის პროცესების გაუმჯობესებას და ანთების შემცირებას.
ანდროგენეტიკური თმის ცვენისა და თავის კანის სხვადასხვა ანთებადი დაავადებების სამკურნალოდ ლაზეროთერაპია Capillus – ით ტარდება კვირაში 3 ჯერ 12-15 წუთის განმავლობაში. Capillus LLLT – მკურნალობა ინიშნება, როგორც დამოუკიდებელ პროცედურად, ასევე სხვადასხვა მედიკამენტოზურ თუ ინექციურ პროცედურებთან კომბინაციაში.
