კლინიკა „დეამედის“ (თბილისი, საქართველო) და კომპანია „medicalmardPRO”-ს (ქ. დნეპრი, უკრაინა) ორგანიზებით, 2018 წლის 12 დეკემბერს, უკრაინაში, ქ. დნერპრში გაიმართა უკრაინის პირველი სამეცნიერო-საგანმანათლებლო კონფერენცია: „თანამედროვე ტრიქოლოგია და თმის ტრანსპლანტაცია“.
კონგრესის მუაობაში მონაწილეობდნენ დერმატოლოგები, ტრიქოლოგები, ქირურგები, თმის ტრანსპლანტოლოგები და კლინიკის მფლობელები უკრაინის სხვადასხვა ქალაქებიდან, აგრეთვე დელეგაცია პოლონეთიდან.
კონგრესის ძირითადი ნაწილი დაეთმო კლინიკა „დეამედი“-ს ექიმების მრავალწლიანი სამეცნიერო და პრაქტიკული საქმიანობის შედეგების ანალიზს თმის ტრანსპლანტაციისა და ტრიქოლოგიის სფეროში. განხილვის ძირითადი თემები იყო:
- „თანამედროვე ტრიქოლოგიის შესაძლებლობები“.
მომხსენებელი ნელი ბაკურაძე – ტრიქოლოგი, კლინიკა „დეამედი.
- „თმის აღდგენის ქირურგიული მეთოდები“.
მომხსენებელი, მედიცინის დოქტორი დეა პაპასკირი – პლასტიკური ქირურგი, კლინიკა „დეამედი“-ს დირექტორი.
- “შეცდობები და გართულებები თმის ტრანსპლანტაციის დროს“.
მომხსენებელი, პროფესორი ალექსი მაარაშვილი – ქირურგი, კლინიკა „დეამედი“-ს სამეცნიერო და სამედიცინო საქმიანობის ხარისხის კონტროლის ხელმძღვანელი.
- „კლინიკა დეამედის ტრიქოლოგიისა და თმის ტრანსპლანტაციის ტრენინგ ცენტრი – ექიმთა სწავლებისა და კვალიფიკაციის ამაღლების შესაძლებლობები“.
მომხსენებელი, პროფესორი ალექსი მაარაშვილი – თბილისის სახელმწიფო სამედიცინო უნივერსიტეტის სასწავლო პროგრამების ხელმძღვანელი სპეციალობებში „თმის აუტოტრანსპლანტაცია“ და „ტრიქოლოგია“, კლინიკა დეამედი.
- „კლინიკური კომუნიკაცია. პაციენტებთან ეფექტური ურთიერთობის უნარების როლი წარმატებული ექიმის საქმიანობაში“.
მომხსენებელი ალა გრაბჩენკო – მედიკო-დიაგნოსტიკური ცენტრის, „Menora”-ს დირექტორი. ოდესა, უკრაინა.
კონფერენციამ ჩაიარა საინტერესო დისკუსიის ფონზე.
კლინიკა „დეამედი“ მადლობას უხდის მხარდაჭერისთვის უკრაინის ტრიქოლოგთა ასოციაციას.
