კონტაქტი

„ალოპეციის აქტუალური საკითხები“. თბილისი. 2005 წ.

2005 წლის 3-4 ნოემბერს, თბილისში, გაიმართა პირველი საერთაშორისო კონგრესი: “ალოპეციის აქტუალური საკითხები”. კონგრესმა დიდი ინტერესი გამოიწვია, განსაკუთრებით პრობლემის მიმართ თანამედროვე მიდგომებისა და მომხსენებელთა ორიგინალური სამეცნიერო კვლევების თვალსაზრისით. დამწვრობის ეროვნული ცენტრის დირექტორმა, პროფესორმა ბესიკ იაშვილმა ყურადღება გაამახვილა დეა პაპასკირის მოხსენების აქტუალობაზე, რომელიც თავის თმიან საფარველზე ნაწიბუროვანი დეფექტების მქონე პაციენტების რეაბილიტაციას ეხებოდა. კერძოდ, დეა პაპასკირმა წარმოადგინა ნაწიბურებში თმის გადანერგვის პერსპექტივები პაციენტთა რეაბილიტაციის მიმართულებით. ჩატარდა მასტერკლასები თმის აღდგენის როგორც ქირურგიულ ასევე არაქირურგიულ მეთოდებში.